Экологик билимлар бизга тоза сувнинг ҳақиқий қадрини, табиатга инсон томонидан етказилган зарарлар қандай фожеаларга олиб келишини ҳар биримиз англаб етишимиз керак. Экологик билимлар барчамизга кундалик ҳаётимизда, жумладан, уйимизни тоза тутишда, ҳовлини кўкаламзорлаштиришда, коллежда, ишхонада, дам олиш масканларида қўйинки ҳар бир қадамимизда керак бўлади.
Азиз юртдошларим табиатни асраш, унга эҳтиёткорона муносабатда бўлиш бизнинг қатор вазифаларимиздан биридир. Айни пайтда эса бу ишларга бел боғлаганлар учун бир қатор маслахатлар бермоқчиман. Агар сиз атроф-муҳитни ҳимоя қилишга мен қўшадиган улуш арзимаган бўлади деб ўйласангиз хато қиласиз. Ҳеч нарса қилмагандан кўра оз бўлса ҳам улуш қўшган маъқул.
Ёдингизда бўлсин ер юзида сизга ўхшаган миллионлаб кишилар бор. Агарда бугундан бошлаб умумий ишга хиссангизни қўшмоқчи бўлсангиз атрофингизга қаранг, ердаги ахлатларни тозаланг, чангланган нарсаларни артиб чиқинг, гулларга сув қуйинг, шунинг ўзи билан ҳам хонадонингиздаги экологик вазиятни яхшилаган бўласиз.
- Водопровод жумрагини яхшилаб беркитинг шунда оби-ҳаёт аталмиш сувни тежаган бўласиз.
- Эски китоб, дафтарларни ташлаб ёки ёқиб юборманг. Ундан кўра макелатурага топширинг. Шунда ўрмонларни кесишдан сақлаб қолган бўласиз.
- Турли экологик шанбаликларда қатнашинг, бунда табиатга албатта фойдангиз тегади. Табиат берган неъматларини асранг. Уларни исроф бўлишига, хўрланишига, ифлосланишига йўл қўйманг. Зеро кимки бўлса тежамкор, қут-барака унга ёр.
