1-iyun «Xalqaro bolalarni himoya qilish kuni» munosabati bilan Farg‘ona viloyati Quva tumani markazidagi «Muhammadjon ota» to‘yxonasida Quva tuman hokimligi, O‘zbekiston Nogironlar jamiyati Quva tuman bo‘linmasi hamkorligida «Maftunkor ranglar jilosi» ko‘rik tanlovi tuman bosqichi bo‘lib o‘tdi. 
Anjumanda tumanda yakka hamda inkluzif tartibda ta’lim olayotgan o‘quvchilar, shuningdek ularning ota-onalari ishtirok etdi.
Bolajonlar o‘rtasida rasmlar ko‘rgazmasi bilan bir qatorda, qiziqarli musobaqalar, shaxmat-shashka bellashuvi tashkil etildi. Bayram dasturxoni yozildi. Esdalik uchun sovg‘alar taqdim etildi. Tuman madaniyat uyi xodimlari tomonidanyangragan kuy qo‘shiqlar ishtirokchilarga ko‘tarinki ruh bag‘ishladi.
Davraga multfilm qahramonlarining kirib kelishi, bolajonlar bilan birgalikda raqs tushishlari o‘zgacha fayz bag‘ishladi.
